स्वस्थ जीवनका लागि आशा: विश्व स्वास्थ्य दिवस 2025 मा मातृ र शिशु स्वास्थ्यप्रति केन्द्रित अभियान"

काठमाडौं, चैत २५ गते । हरेक वर्ष अप्रिल ७ तारिखमा विश्वभर 'विश्व स्वास्थ्य दिवस' मनाइन्छ। 2025 मा पनि यो विशेष दिन ‘स्वस्थ जीवनका लागि सुरुवात, आशालाग्दो भविष्य’ भन्ने नाराका साथ मनाइएको छ। यस दिवसको उद्देश्य मानिसहरूलाई स्वास्थ्यप्रति सजग बनाउनु, स्वास्थ्य सम्बन्धी समस्याहरूको समाधान खोज्नु र राम्रो जीवनशैलीतर्फ प्रेरित गर्नु हो। यस दिनलाई पहिलोपटक सन् 1950 मा मनाइएको भए पनि यसको सुरुवात सन् 1948 मा विश्व स्वास्थ्य संगठन (WHO) को स्थापना सँगै भएको हो।

2025 को विश्व स्वास्थ्य दिवसमा मातृ तथा नवजात शिशुहरूको स्वास्थ्य र सुरक्षालाई प्राथमिकता दिइएको छ। “Healthy Beginnings. Hopeful Futures” भन्ने मुख्य नाराले गर्भावस्थादेखि सुत्केरी र सुत्केरीपछिको हेरचाहमा गुणस्तरीय सेवा र पहुँच सुनिश्चित गर्नु पर्ने कुरामा बल दिइएको छ। WHO ले यो दिवसलाई विश्वभर एकै साथ स्वास्थ्यप्रति जनचेतना फैलाउने अभियानको रूपमा लिएको छ।

विश्व स्वास्थ्य दिवस मनाउनुको उद्देश्य भनेको मानिसहरूलाई रोगको पूर्वचेतावनी, सही जीवनशैलीको आवश्यकता र सबैको लागि समान स्वास्थ्य सुविधा सुनिश्चित गर्न प्रेरित गर्नु हो। यो दिवसले खासगरी गरिब, पिछडिएको वर्ग, महिला र बालबालिकाका लागि गुणस्तरीय स्वास्थ्य सेवा पहुँचमा जोड दिन्छ। यसले सम्पूर्ण समाजमा ‘स्वस्थ व्यक्ति, समृद्ध राष्ट्र’ को सन्देश दिन खोजेको छ।