भाटभटेनीका सञ्चालक गुरुङद्वारा दुर्घटनामा मृत्यु भएका युवाका परिवारलाई आर्थिक सहयोग

काठमाडौं, चैत २० गते ।  भाटभटेनी सुपरमार्केटका सञ्चालक मीनबहादुर गुरुङले गत चैत १५ गतेको घटनामा ज्यान गुमाएका दुई युवाका परिवारलाई आर्थिक सहयोग गर्ने घोषणा गरेका छन्। बुधबार कोटेश्वरस्थित भाटभटेनी सुपरमार्केटमा आयोजित कर्मचारी सम्मान कार्यक्रममा बोल्दै उनले मृतक सुरेशका परिवारलाई पाँच लाख तथा सविनका परिवारलाई तीन लाख प्रदान गर्ने प्रतिबद्धता जनाएका हुन्।

दुर्घटनाप्रति दुःख व्यक्त गर्दै गुरुङले पीडित परिवारलाई सहयोग प्रदान गर्नु आफ्नो नैतिक दायित्व भएको उल्लेख गरे। साथै, उनले सामाजिक उत्तरदायित्व अन्तर्गत भविष्यमा पनि आवश्यक परे सहयोग जारी राख्ने प्रतिबद्धता व्यक्त गरे।