राप्रपाका वरिष्ठ नेता दीपक बोहोराको निधन

काठमाडौं, चैत १९ गते ।  राष्ट्रिय प्रजातन्त्र पार्टी (राप्रपा) का वरिष्ठ नेता तथा प्रतिनिधिसभा सदस्य दीपक बोहोराको निधन भएको छ। लामो समयदेखि अस्वस्थ रहेका बोहोराको राजधानीस्थित ओम अस्पतालमा उपचारका क्रममा मंगलबार निधन भएको राप्रपा केन्द्रीय सदस्य जनकराज पाठकले पुष्टि गरेका छन्।

बोहोरा रुपन्देही क्षेत्र नम्बर ३ बाट निर्वाचित प्रतिनिधिसभा सदस्य तथा पूर्वमन्त्रीसमेत थिए। घाँटीसम्बन्धी समस्या रहेका कारण उनले चुनावी सभामा कुनै सम्बोधन गरेका थिएनन्, त्यसक्रममा उनका प्रमुख प्रतिस्पर्धी तत्कालीन गृहमन्त्री बालकृष्ण खाण थिए।