परिक्रमा १५औँ दिन जनकपुरधाम पुगेर अन्तर्गृह परिक्रमा सम्पन्न

 जनकपुरधाम, फाल्गुन १९ गते । जनकपुरधाम यतिबेला भक्ति र श्रद्धाको केन्द्र बनेको छ। जानकीजीको जन्मस्थल नजिकै भारतको सीतामढीस्थित पुण्डरी ऋषिको आश्रमबाट सुरु हुने मिथिला मध्यमिकी परिक्रमा केवल शारीरिक पदयात्रा मात्र नभई गहिरो आध्यात्मिक अनुभूति पनि हो। श्रद्धालु भक्तजनका अनुसार यस परिक्रमाले मानसिक शान्ति, आत्मशुद्धि र जीवनमा सकारात्मक ऊर्जा प्रदान गर्दछ। अयोध्या र वृन्दावनको परिक्रमाको अवधारणालाई पछ्याउँदै सुरु गरिएको यो यात्रा विशेषगरी २०१६ सालमा अयोध्याबाट आएका मौनी बाबाले व्यवस्थित बनाएको बताइन्छ।

अठारौँ शताब्दीदेखि सञ्चालन हुँदै आएको मानिने यो परिक्रमा आज ऐतिहासिक तथा सांस्कृतिक धरोहरका रूपमा स्थापित भइसकेको छ। पाँच दिनसम्म चल्ने यात्रामा नेपाल र भारतका विभिन्न स्थानबाट हजारौँ श्रद्धालु सहभागी हुन्छन्। परिक्रमा १५औँ दिन जनकपुरधाम पुगेर अन्तर्गृह परिक्रमा सम्पन्न गरेसँगै समापन हुन्छ र त्यसपछि मिथिलाञ्चलमा होली पर्व मनाउने परम्परा छ। मन, वचन र कर्मले सहभागी भएमा पाप नष्ट भई मनोकामना पूरा हुने तथा मोक्ष प्राप्ति हुने जनविश्वास रहिआएको छ, जसले धार्मिक सहिष्णुता र सांस्कृतिक एकताको सन्देश प्रवाह गरिरहेको छ।