बिहारमा नीतीश कुमार १०औँ पटक मुख्यमन्त्री, ऐतिहासिक शपथ समारोहमा मोदी र शीर्ष नेताहरूको उपस्थिति

एजेन्सी, मंसिर ४ गते । बिहारको राजनीतिक इतिहासमा आज एक महत्त्वपूर्ण दिन बनेको छ, जहाँ नीतीश कुमारले १०औँ पटक मुख्यमन्त्री पदको शपथ लिएका छन्। विधानसभा चुनावमा एनडीएले प्राप्त गरेको प्रचण्ड बहुमतपछि पटना स्थित ऐतिहासिक गाँधी मैदानमा भव्य शपथग्रहण समारोह आयोजित गरिएको थियो। समारोहमा प्रधानमन्त्री नरेन्द्र मोदी, गृहमन्त्री अमित शाह, भाजपाका राष्ट्रिय अध्यक्ष जेपी नड्डासहित एनडीए घटक दलका शीर्ष नेताहरूको उल्लेखनीय उपस्थिति रह्यो। नीतीशसहित सम्राट चौधरी र विजय सिन्हाले उपमुख्यमन्त्री पदको शपथ लिएपछि नयाँ सरकार औपचारिक रूपमा गठन भएको छ।

शपथग्रहणको क्रममा नव निर्वाचित मन्त्रीहरूलाई पनि जिम्मेवारी दिइएको छ। लेसी सिंह, मदन सहनी, नितिन नवीन, रामकृपाल यादव, सन्तोष सुमन र सुनील कुमारलगायत ६ जनाले एकै पटक मन्त्री पदको शपथ लिए। त्यसअघि विजय चौधरी, विजेन्द्र चौधरी, श्रवण कुमार, मंगल पाण्डे र दिलीप जायसवालसहित पाँच जनाले पनि मन्त्री पदको सपथबद्धता पूरा गरेका थिए। ७४ वर्षीय नीतीश कुमार २००5 पहिलो पटक मुख्यमन्त्री बनेदेखि निरन्तर रूपमा बिहारको राजनीतिमा सशक्त नेतृत्वका रूपमा स्थापित रहँदै आएका छन्।