सीतामढीकी राजनीतिमा महिलाको ओझेल उपस्थिती : १६ चुनावमा केवल ८ महिलालाई मात्र प्रतिनिधित्वको अवसर

एजेन्सी, कार्तिक ३ गते ।माँ जानकीको जन्मभूमि सीतामढी जिल्लामा महिला मतदाताको उल्लेखनीय संख्या भए पनि राजनीतिक प्रतिनिधित्वमा उनीहरूको सहभागिता निकै सीमित देखिएको छ। सन् १९५२ देखि २०२० सम्म कुल १६ पटक विधानसभा चुनाव सम्पन्न भए पनि जिल्लाबाट जम्मा ८ महिलाले मात्रै विधायक बन्ने मौका पाएका छन्। राजनीतिक दलहरूले पनि महिला उम्मेदवारलाई टिकट दिन खासै रुचि देखाएनन्। कहिलेकाहीँ टिकट दिए पनि मतदाताले उनीहरूलाई जिताउनेतर्फ विश्वास प्रकट गरेनन्। १९६७ को चुनावपछि २००५ सम्मको लामो अन्तरालमा कुनै पनि महिला उम्मेदवार विजयी हुन नसक्नु पनि यसको प्रमाण हो।

शुरुवाती दुई चुनाव (१९५२ र १९५७) मा एकजना पनि महिला विजयी भइनन्। १९६२ मा सीतामढी उत्तरबाट गिरिजा देवी र सुरसन्डबाट प्रतिभा देवी विजयी भएर ऐतिहासिक उपलब्धि हासिल गरे पनि त्यसपछि लामो समयसम्म महिलाहरूको उपस्थिति ओझेलमा रह्यो। २००५ मा रुन्नीसैदपुरबाट जदयूकी गुड्डी देवी र बथनाहा बाट लोजपाकी नगीना देवीले जित्दै पुनः महिला राजनीतिमा उत्साह जगाए। त्यसपछि २०१० र २०१५ का चुनावमा क्रमशः तीन र चार महिलाले जित हासिल गरे पनि २०२० मा पुनः स्थिति कमजोर हुँदै परिहारकी गायत्री देवी मात्र विजयी भइन्। यसले सीतामढीको राजनीतिमा महिलाको सहभागिता अझै पनि चुनौतीपूर्ण रहेको स्पष्ट गर्छ।