बिहार विधानसभा चुनाव दुई चरणमा, पहिलो चरणको मतदान ६ नोभेम्बरमा

एजेन्सी,असोज २४ । बिहार विधानसभा चुनाव २०२५ को पहिलो चरणका लागि अधिसूचना जारी गरियो। यससँगै १२१ विधानसभा सीटमा नामांकन दाखिला गर्ने प्रक्रिया सुरु भएको छ। उम्मेदवारले १७ अक्टोबरसम्म आफ्नो नामांकन पत्र बुझाउन सक्नेछन् भने नामांकनको जाँच १८ अक्टोबरमा हुनेछ। नाम फिर्ता लिनको अन्तिम म्याद २० अक्टोबर तोकिएको छ।

निर्वाचन आयोगका अनुसार, यस पटक बिहारको विधानसभा चुनाव दुई चरणमा हुनेछन्। पहिलो चरणको मतदान ६ नोभेम्बरमा र दोस्रो चरणको मतदान ११ नोभेम्बरमा हुनेछ। मतगणना १४ नोभेम्बरमा हुने छ। पहिलो चरणमा पटना, दरभंगा, सहरसा, मधेपुरा, मुजफ्फरपुर, गोपालगंज, सिवान, सारण, वैशाली, बेगूसराय, नालंदा, बक्सर, भोजपुर, लखीसराय, मुंगेर, समस्तीपुर र शेखपुरा गरी १७ जिल्लाका विधानसभा सीटहरू समावेश छन्। मतदान बिहान ७ बजेबाट साँझ ६ बजे सम्म हुनेछ।

निर्वाचन आयोगले नामांकन केन्द्र वरिपरि कडा सुरक्षा व्यवस्था गर्ने निर्देशन जारी गरेको छ। उम्मेदवारसहित अधिकतम पाँच जना मात्र नामांकनको समयमा उपस्थित हुन सक्नेछन्। सम्पूर्ण प्रक्रिया भिडियो रेकर्डिङको समेत व्यवस्था गरिएको छ।

राज्यभर चुनाव सञ्चालनका लागि करिब ८.५ लाख कर्मचारी र अधिकारीहरू तैनाथ हुनेछन्। यसमा ४.५३ लाख मतदान कर्मचारी, २.५ लाख प्रहरीकर्मी, २८ हजार मतगणना कर्मचारी र १८ हजार माइक्रो-अब्जर्भरहरू समावेश छन्। आयोगले सबै जिल्लामा निष्पक्ष, शान्तिपूर्ण र पारदर्शी चुनाव सुनिश्चित गर्ने प्रतिबद्धता जनाएको छ।