ओवैसीको मिथिलाञ्चल मोर्चा: लालूको गढमा AIMIM को चुनौती, तेजस्वीलाई ‘गुरूरले कमजोर बनाउने’ चेतावनी

एजेन्सी, असोज २२ गते । बिहारको सियासतमा नयाँ मोड ल्याउँदै असदुद्दीन ओवैसीको अल इंडिया मजलिस-ए-इत्तेहादुल मुस्लिमीन (AIMIM) ले मिथिलाञ्चलमा आफ्नो प्रभाव विस्तार गर्ने घोषणा गरेको छ। २०२० को विधानसभा चुनावमा सीमाञ्चलमा ५ सीट जितेर चर्चामा आएको AIMIM ले अब लालू यादवको परम्परागत गढ मानेर मिथिलाञ्चलमा जाले, बिस्फी, केवटी र दरभङ्गा शहरका ४ सीटमा उम्मेदवारी दिने भएको छ। सोमबार दरभङ्गाको जालेमा जनसभालाई सम्बोधन गर्दै ओवैसीले आरजेडी र तेजस्वी यादवलाई खुल्ला चुनौती दिए, “हामीले ६ सीट मागेका थियौँ, मन्त्री पद पनि मागेनौँ। तर तपाईंहरू कुरा गर्न तयार छैनन्। तपाईंहरूको गुरूरले तपाईंलाई कमजोर बनाउनेछ।” यी सीटहरूमा मुस्लिम मतदाताको ठूलो हिस्सा छ, जहाँ आरजेडीले विगतमा जित हासिल गरेको थियो।

महागठबन्धनमा सामेल हुन AIMIM का प्रदेश अध्यक्ष अख्तरुल इमानले लालू यादवसम्म पुगेर प्रयास गरे, तर आरजेडीले हरेक प्रस्ताव अस्वीकार गरेको छ। २०२० मा २४ सीटमा लडेर ५ जितेको AIMIM ले यसपटक ५० सीटमा उम्मेदवारी दिने तयारी गरेको छ। ४ विधायकले आरजेडीमा गएको पीडाबाट उभ्रिएका ओवैसीले भने, “चारको जवाफ २४ ले दिनेछौँ। हामी कुनै यादव नेतासामु झुक्नेछैनौँ।” एनडीएका नेताहरूले ओवैसीको यो कदमले आरजेडी र महागठबन्धनलाई बढी नोक्सान हुने बताएका छन्। बिहार बीजेपीका अरिमर्दन झाले भने, “मिथिलाञ्चलमा ओवैसीको ठूलो प्रभाव छैन, तर केही न केही असर पक्कै पर्नेछ।”