बिहार चुनावअघि लालू यादवको आक्रोश: मोदीमाथि बिहारलाई विकासमा पछाडि पारेको आरोप, बीजेपीको जवाफ

एजेन्सी,भदौ २० गते । बिहार विधानसभा चुनाव नजिकिँदै गर्दा राजनीतिक बयानबाजी तीव्र भएको छ। राष्ट्रीय जनता दल (आरजेडी) प्रमुख तथा पूर्वमुख्यमन्त्री लालू प्रसाद यादवले प्रधानमन्त्री नरेन्द्र मोदीमाथि तीखो हमला बोलेका छन्। उनले सामाजिक सञ्जाल ‘एक्स’ मा ट्वीट गर्दै बिहारलाई विकासमा पछाडि पारेर गुजरातलाई प्राथमिकता दिएको प्रश्न उठाएका छन्। उनले लेखे, "ए मोदी जी, बिहार से भोट चाहिए, फैक्ट्री चाहिए गुजरात में? यो गुजराती फार्मूला बिहारमा चल्दैन।" ट्वीटमा साझा गरिएको तस्बिरमा लेखिएको छ, "ए मोदी जी! बिहारलाई फैक्ट्री दिएन, अब बिहारमा कहिल्यै विक्ट्री पाइने छैन।" लालूले बारम्बार केन्द्र सरकारमाथि बिहारबाट सत्ता र समर्थन लिने तर उद्योग, रोजगारी र ठूला परियोजनाहरू गुजरात र अन्य राज्यहरूमा केन्द्रित गर्ने आरोप लगाउँदै आएका छन्।

यसैबीच, बीजेपी प्रवक्ता अरविन्द सिंहले लालूको आरोपको जवाफ दिँदै भने, "धपले-घोटाले र नौकरीको सट्टा जमीन लेखाएर विक्ट्री पाइँदैन। जब तपाईंलाई बिहारको विकास गर्ने अवसर प्राप्त भएको थियो, तपाईंले बिहार लुट्ने काम गर्नुभयो। त्यसैले आज तपाईं पञ्चायत चुनाव पनि लड्न सक्नुहुन्न।" उनले थपे कि पीएम मोदी र मुख्यमन्त्री नीतीश कुमारको नेतृत्वमा बिहारमा विकास भइरहेको छ। लालूको यो टिप्पणीले बिहारको क्षेत्रीय अस्मिता र विकासको मुद्दालाई उजागर गरेको छ, जसले मतदाताहरूलाई प्रभावित गर्न सक्छ। बीजेपीले भने लालूलाई चारा घोटाला र भ्रष्टाचारका मुद्दाहरूसँग जोडेर उनको विश्वसनीयतामाथि प्रश्न उठाएको छ। यो बयानबाजीले बिहारको चुनावी माहोललाई थप तताएको छ।