बिहार चुनावपूर्व भोजपुरमा सक्रिय भएका लालु यादव, आरजेडीलाई नयाँ ऊर्जा दिने संकेत

एजेन्सी, भदौ २ गते ।  आगामी बिहार विधानसभा चुनावलाई लक्षित गर्दै सबै राजनीतिक दलहरूले रणनीति तय गर्न थालेका छन्। यसैक्रममा आरजेडी प्रमुख लालु प्रसाद यादव भोजपुर जिल्लाको सन्देश क्षेत्रमा पुगेका छन्। उनले नजिकका पूर्व विधायक अरुण यादवका पिताको दोस्रो पुण्यतिथिमा सहभागी हुँदै कार्यकर्तामाझ उपस्थिति जनाए। राजनीतिक विश्लेषकहरूका अनुसार लालु यादवको चुनावअघि सक्रियता आरजेडीका लागि मात्र नभई कार्यकर्ताको मनोबल वृद्धिमा ठूलो फाइदा हुनेछ।

फिलहाल सन्देश क्षेत्रबाट अरुण यादवकी पत्नी किरण देवी आरजेडी विधायक रहेकी छिन्। यस क्षेत्रमा लालु यादवको आगमनलाई आरजेडीको भोट बैंक मजबुत बनाउन गरिएको कदमको रूपमा हेरिएको छ। लालु यादव अझै पनि करिश्माई नेताको रूपमा चिनिन्छन् र उनको भाषण शैलीले कार्यकर्तालाई भावनात्मक रूपमा जोड्ने मानिन्छ। जानकारहरूका अनुसार, यादव–मुस्लिम र अति पिछडाहरूलाई एकजुट गर्ने भूमिकामा लालु सक्रिय भएमा विपक्षी दलहरूलाई चुनौती हुने देखिएको छ। यसैगरी, उनको सक्रियताले पार्टीभित्रको असन्तोषलाई समेत नियन्त्रणमा ल्याई आगामी चुनावमा तेजस्वी यादवलाई लाभ दिलाउने अपेक्षा गरिएको छ।