विवाहपछि ३० दिनमै पत्नीको निर्मम हत्या, शव १८ टुक्रा पारियो

एजेन्सी,जेठ २६ गते ।  झारखंडको साहिबगंजमा २०२२ को डिसेम्बर महिनामा एक अचम्मको घटना भयो जहाँ विवाह गरेको ३० दिनमै दिलदार अंसारीले आफ्नी पत्नी रुबिका पहाडिनको हत्या गरे। हत्या पछि रुबिकाको शवलाई १८ टुक्रा पारेर फालिएको थियो।

रुबिका आदिम पहाडिया जातिको महिला थिइन् र दिलदारकी पहिलो पत्नी सरेजा खातून पनि त्यही घरमा बस्दै थिइन्। रुबिका र दिलदारबीच दुई वर्षको प्रेम सम्बन्ध थियो र घर छोडेर विवाह गरेका थिए। रुबिकाको एक ५ वर्षीया छोरी पनि छिन्।

रुबिका हराएपछि परिवारले प्रहरीमा हराएको रिपोर्ट गरे। प्रहरीले अनुसन्धान गर्दा जंगलमा कुकुरहरूले मासु खाएको देखेपछि शवका टुक्रा फेला पारियो भने केही टुक्रा आरोपीको घरबाट पनि भेटियो।

पुलिस अनुसन्धानले दिलदारकी पहिलो पत्नीको विरोध र परिवारको असहमति कारण परिवारिक झगडा बढेपछि हत्या भएको निष्कर्ष निकालेको छ।