संविधान दिवसको कार्यक्रमका लागि दरबारमार्गमा सवारी आवागमन बन्द

काठमाडौं, असोज २ गते ।  संविधान दिवसको अवसरमा दरबारमार्ग क्षेत्रमा आयोजना हुने कार्यक्रममा मञ्च निर्माण भइरहेकाले सवारी आवागमनमा रोक लगाइएको छ। काठमाडौँ उपत्यका ट्राफिक प्रहरी कार्यालयका अनुसार भोलि (असोज ३ गते) संविधान दिवसको अवसरमा दरबारमार्गमा आयोजना हुने ‘नेशनल डे कन्सर्ट’ का लागि मञ्च निर्माण कार्य भइरहेको हुँदा उक्त क्षेत्रमा सवारी आवागमन बन्द गरिएको हो।

कार्यालयले बिहीबार दिउँसो २ बजे सम्मका लागि केशरमहल चोकबाट दक्षिणगेटतर्फ जाने सवारीसाधनलाई जमलतर्फ, जयनेपाल चोकबाट दक्षिणगेटतर्फ आउने सवारीसाधनलाई कृष्ण पाउरोटी चोकतर्फ, र महेन्द्र सालिक चोकबाट दक्षिणगेटतर्फ जाने सवारीलाई घण्टाघरतर्फ मोडिएको जानकारी दिएको छ।

नारायणहिटी दरबार अगाडि बिहीबार साँझ हुने साङ्गीतिक कार्यक्रमका लागि मञ्च निर्माण तथा सरसफाइका कामहरू तीव्र गतिमा भइरहेको छ।