पेट्रोलियम पदार्थको मूल्यमा भारी वृद्धी

असार ६ गते ।पेट्रोल प्रतिलिटर २१ र डिजल–मट्टीतेलमा २७ रुपैयाँले भाउ बढेको छ ।

नेपाल आयल निगमले डिजेल तथा मट्टीतेलमा प्रतिलिटर २७ रुपैयाँले र पेट्रोलमा प्रतिलिटर २१ रुपैयाँले मूल्य वृद्धि गरेको हो ।

आइतबार राति १२ बजेदेखि लागू हुने गरी निगम सञ्चालक समितिको बैठकले मूल्य वृद्धि गरेको छ ।

यससँगै एक लिटर पेट्रोलको मूल्य १९९ रुपैयाँ पुगेको छ । यसैगरी एक लिटर डिजेल र मट्टीतेल किन्न १९२ रुपैयाँ तिर्नुपर्ने छ ।

निगमले हवाई इन्धनमा पनि आन्तरिक तर्फ १९ रुपैयाँले वृद्धि गरी १८५ रुपैयाँ प्रतिलिटर पुर्याएको छ ।

हवाई इन्धनको बाह्यतर्फ भने १०० अमेरिकी डलरले मूल्यवृद्धि गरिएको छ ।