धनुषामा सात वर्षीया बालिकामाथि जबर्जस्ती करणी गरेको आरोपमा बालकको जन्मकैद फैसला

जनकपुरधाम, बैशाख २३ गते । जिल्ला अदालत धनुषाले मिथिला बिहारी–१० ठेरा रामनगरका १९ वर्षीय पप्पु मण्डललाई सात वर्षीया बालिकामाथि जबर्जस्ती करणी गरेको आरोपमा दोषी ठहर गर्दै जन्मकैदको फैसला सुनाएको छ। अदालतले घटनाको मिति २०७८ फागुन २८ उल्लिखित गर्दै मुलुकी अपराध संहिता, २०७४ को दफा २१९(१)(२) तथा २१९(३)(क) अनुसार सजायको आदेश दिएको र पीडितलाई तीन लाख रुपैयाँ क्षतिपूर्ति उपलब्ध गराउन भनिएको छ।

अभिलेखअनुसार मण्डलले भोजबाट फर्किँदै गरेको बालिकालाई घर पुर्याउने भन्दै साइकलमा राखेर गाउँबाहिरको खेतमा लगेपछि करणी गरेको आरोप लागेको थियो। घटनाको अनुसन्धान र सुनुवाइमा पीडितको बयान, प्रत्यक्षदर्शीका प्रमाण, घटनाक्रम तथा चिकित्सकीय परीक्षणमा प्राप्त निष्कर्ष र प्रतिवादीको स्वीकारोक्ति आदिमा आधारित भएर अदालतले दोषसिद्धि गरेको जनाएको छ।