विक्रमशिला सेतुको एक भाग गंगामा खस्यो, भागलपुर–सीमाञ्चल यातायात अवरुद्ध

एजेन्सी, बैशाख २१ गते । भागलपुरमा मध्यरात करिब १२:५५ बजे गंगामाथि बनेको विक्रमशिला सेतुको एक स्ल्याब अचानक भाँचिएर नदीमा खस्दा ठूलो असर परेको छ। यस घटनाले भागलपुर र सीमाञ्चल क्षेत्र (पूर्णिया, कटिहार, अररिया, किशनगञ्ज) जोड्ने मुख्य सडक सम्पर्क अवरुद्ध भएको छ। रातको समयमा भएको यो दुर्घटनापछि क्षेत्रभर यातायात ठप्पजस्तै बनेको छ, जसले दैनिक यात्रा गर्ने सर्वसाधारण, विद्यार्थी तथा कामका लागि आवतजावत गर्ने मानिसहरूलाई कठिनाइमा पारेको छ।

स्थानीय बासिन्दा र यात्रुहरूले पुलको अवस्था लामो समयदेखि कमजोर हुँदै गएको बताए पनि समयमै प्रभावकारी मर्मत नभएको आरोप छ। अहिले वैकल्पिक रूपमा करिब १०० किलोमिटर टाढा रहेको मुंगेर पुल हुँदै यात्रा गर्नुपर्ने बाध्यता सिर्जना भएको छ। घटनापछि प्रशासनिक लापरबाही र पूर्वचेतावनीलाई बेवास्ता गरिएको विषय फेरि गम्भीर बहसमा आएको छ भने तत्काल पुनःस्थापना र सुरक्षित यातायात व्यवस्थापनको माग बढ्दै गएको छ।