दुर्घटनापछि नयाँ सुरुवात: अनुराग डोभाल प्रेमानन्द महाराजको आशिर्वाद लिन वृन्दावन पुगे

एजेन्सी, चैत २५ गते। अनुराग डोभाल हालै प्रेमानन्द जी महाराजको दर्शन गर्न वृन्दावन पुगेका छन्। ‘यूके राइडर ०७’ नामले परिचित उनी पछिल्ला दुई महिनामा जीवनका ठूलो उतार–चढावबाट गुज्रिएका थिए। आत्महत्या प्रयासपछि गम्भीर घाइते भएका डोभाल अहिले नयाँ जीवनको सुरुवात गर्न चाहेको बताइएको छ।

दुर्घटनापछि उनको स्वास्थ्यमा गम्भीर असर परेको थियो, जसमा फोक्सोमा क्षति र शरीरका केही भागमा चोट लागेको छ भने एक खुट्टा सुन्निएको अवस्थामा रहेको छ। उनी हिँड्न नसक्ने भएकाले व्हीलचेयरमार्फत मन्दिर पुगेका थिए र केही स्थानमा वाकरको सहारामा हिँडेको देखिएको छ। हालै पिता बनेपछि उनले जीवनलाई नयाँ ढङ्गले अघि बढाउने निर्णय गर्दै आशिर्वाद लिन पुगेका हुन्।

अनुरागले आफ्नो वृन्दावन यात्राको भिडियो सामाजिक सञ्जालमा सार्वजनिक गर्दै “नयाँ यात्रा” सुरु भएको संकेत दिएका छन्। उनका समर्थकहरूले सकारात्मक प्रतिक्रिया जनाउँदै उनको स्वास्थ्यलाभको कामना गरेका छन्।