पूर्वप्रधानमन्त्रीसहित २३ उच्चपदस्थमाथि छानबिन, पक्राउ पुर्जी तयारी

काठमाडौं, चैत्र १६ गते । सरकारले ६ जना पूर्वप्रधानमन्त्रीसहित २३ उच्चपदस्थ अधिकारीविरुद्ध पक्राउ पुर्जी जारी गर्ने गृहकार्य थालेको छ। लोकतान्त्रिक आन्दोलनपछि बनेका सरकारको नेतृत्व गरेका तथा हाल जीवित रहेका पूर्वप्रधानमन्त्रीहरूलाई लक्षित गर्दै सम्पत्ति शुद्धीकरणसम्बन्धी अनुसन्धान अघि बढाइएको जनाइएको छ।

प्रधानमन्त्री बालेन्द्र शाहको निर्देशनमा प्रहरी प्रधान कार्यालयमार्फत केन्द्रीय अनुसन्धान ब्युरो (सीआईबी) ले पूर्वप्रधानमन्त्रीहरू शेरबहादुर देउवा, केपी शर्मा ओली, पुष्पकमल दाहाल ‘प्रचण्ड’, माधवकुमार नेपाल, डा. बाबुराम भट्टराई र झलनाथ खनाललगायतमाथि छानबिन प्रक्रिया सुरु गरेको स्रोतले जनाएको छ। साथै मधेसवादी नेताहरू तथा पूर्वमन्त्रीहरू उपेन्द्र यादव, शरदसिंह भण्डारीलगायतका व्यक्तिहरूमाथि पनि सम्पत्ति विवरणको अनुसन्धान अघि बढाइएको बताइएको छ।