नवनिर्वाचित सांसदलाई रास्वपाको दुई दिने प्रशिक्षण

काठमाडौं, चैत्र २ गते ।  राष्ट्रिय स्वतन्त्र पार्टी (रास्वपा) ले आफ्ना नवनिर्वाचित प्रतिनिधिसभा सदस्यहरूलाई संसदीय कार्यसम्बन्धी प्रशिक्षण दिने भएको छ। यसका लागि पार्टीले चैत ३ र ४ गते काठमाडौँमा दुई दिने अभिमुखीकरण कार्यक्रम आयोजना गरेको छ। प्रशिक्षणमा सांसदहरूलाई संसदीय प्रक्रिया, जिम्मेवारी र पार्टीका नीतिबारे जानकारी गराइने जनाइएको छ।

रास्वपाका महामन्त्री कविन्द्र बुर्लाकोटीका अनुसार नवनिर्वाचित सांसदहरूलाई संसदीय भूमिकाबारे स्पष्ट पार्न कार्यक्रम तय गरिएको हो। पार्टीले सबै सांसदहरूलाई चैत ३ गते बिहान ९ बजेसम्म काठमाडौँ उपत्यकाको तोकिएको स्थानमा उपस्थित हुन निर्देशन दिएको छ। संसदमा पार्टीको उपस्थितिलाई प्रभावकारी बनाउन तथा जनसरोकारका मुद्दाहरू उठाउने तरिकाबारे विज्ञहरूबाट प्रशिक्षण दिने योजना रहेको छ।