धनुषामा ७ वर्षीया बालिकामाथि बलात्कार गरेको आरोपमा ६७ वर्षीय वृद्ध पक्राउ

16 घन्टा पहिले प्रकाशित

जनकपुरधाम, मंसिर १४ गते । क्षीरेश्वरनाथ नगरपालिका–५ महेन्द्रनगर बस्ने ६७ वर्षीय रामभगत साहलाई ७ वर्षीया बालिकामाथि बलात्कार गरेको आरोपमा प्रहरीले पक्राउ गरेको छ । इलाका प्रहरी कार्यालय महेन्द्रनगरका अनुसार, आरोपी साहले आज बालिकालाई एक्लै भएको मौका छोपी बलात्कार गरेर भाग्दै गरेको अवस्थामा स्थानीय बासिन्दाले समातेर प्रहरीलाई जिम्मा लगाएका थिए । घटनाको जानकारी पाएलगत्तै प्रहरी टोली घटनास्थल पुगेर आरोपीको पक्राउ गरेको हो ।

पीडित बालिकाको स्वास्थ्य परीक्षण प्रादेशिक अस्पताल जनकपुरधाममा गरिएको छ । इलाका प्रहरी कार्यालयका प्रमुख प्रहरी निरीक्षक राजाराम यादवले आरोपी साहलाई हिरासतमा राखेर थप अनुसन्धान अघि बढाइएको जानकारी दिए । यो घटनाले स्थानीय क्षेत्रमा त्रास फैलाएको छ र बालबालिकाको सुरक्षाप्रति थप सतर्कता अपनाउन आवश्यकता औंल्याएको छ ।

यो खबर पढेर तपाईलाई कस्तो महसुस भयो ?