जनकपुर–ढल्केवर सडकमा कारको ठक्करबाट एकको मृत्यु, एक गम्भीर घाइते

जनकपुरधाम, मंसिर ७ गते । धनुषाको मिथिला नगरपालिका–२, हजरा चौकमा आइतबार बिहान कारको ठक्करबाट एक महिलाको मृत्यु भएको छ भने उनका श्रीमान् गम्भीर घाइते भएका छन्। इलाका प्रहरी कार्यालय महेन्द्रनगरका अनुसार मिथिला नगरपालिका–१, लक्ष्मीनिवासका ६० वर्षीय राजकुमार महतो गम्भीर घाइते भएका छन् भने ५५ वर्षीया सुमित्रा देवी महतोको घटनास्थलमै मृत्यु भएको छ।

प्रारम्भिक अनुसन्धानअनुसार बागमती प्रदेश ०१–०३१ च २०३६ नम्बरको कारले सडक पार गर्न लागेका साइकलमा सवार दम्पत्तीलाई ठक्कर दिएको हो। दुर्घटनापछि स्थानीय र प्रहरीले घाइते राजकुमार महतोलाई उद्धार गरी जनकपुरस्थित प्रादेशिक अस्पतालमा पठाइएको छ। कार र चालकलाई नियन्त्रणमा लिएर प्रहरीले विस्तृत अनुसन्धान अघि बढाइरहेको जनाएको छ।