सिरहाका पूर्ववडाध्यक्ष उपेन्द्र साह ठगीको आरोपमा पक्राउ

जनकपुरधाम, भदौ १९ गते । सिरहा नगरपालिका-७ का पूर्ववडाध्यक्ष उपेन्द्र साहलाई ठगीको आरोपमा प्रहरीले पक्राउ गरेको छ। सिरहा-३ की शोभा मण्डलले दिएको जाहेरीका आधारमा प्रहरीले उनलाई गत १५ गते पक्राउ गरेको हो। मण्डलले साहलाई ३० लाख रुपैयाँ दिएको र त्यसबापत ३० लाखको चेक र जग्गा धरौटीमा राखेको उल्लेख गरेकी छन्। तर, साहले उनको बैंक खाता कालोसूचीमा राख्न लगाएको र कालोसूची हटाउने सर्तमा थप १० लाख नगद र २५ लाखको चेक लिएको आरोप छ।

मण्डलका अनुसार, साहले खाता कालोसूचीबाट नहटाई उल्टै उनले दिएको ३० लाख र २५ लाखको चेक लिएर अदालतमा मुद्दा दायर गरी जग्गा हत्याउने प्रयास गरेका छन्। सिरहा जिल्ला प्रहरी कार्यालयले साहलाई हिरासतमा राखी जिल्ला अदालतबाट म्याद लिएर विस्तृत अनुसन्धान गरिरहेको जनाएको छ।