सिरहामा भन्सार छलीको लत्ताकपडासहित स्कारपियो बरामद

22 घन्टा पहिले प्रकाशित

जनकपुरधाम, भदौ १३ गते ।  सशस्त्र प्रहरीले सिरहाको लहान नगरपालिका–१९ कटाहा चोकबाट ७ लाख रुपैयाँभन्दा बढी मूल्यको भन्सार छली गरिएको लत्ताकपडासहित भारतीय स्कारपियो गाडी नियन्त्रणमा लिएको छ। बीआर ०१ पीबी ४६४२ नम्बरको गाडीमा लत्ताकपडा लुकाएर नेपालतर्फ ल्याइँदै गर्दा सुरक्षाबलले रोक्न खोजेपछि चालक गाडी सडकछेउमा छाडी फरार भएको थियो।

सशस्त्र प्रहरी बल नेपाल सुरक्षा बेस लहानका अनुसार बरामद कपडाको मूल्य करिब ७ लाख रुपैयाँ र गाडीको मूल्यसहित कुल १५ लाख रुपैयाँ बराबर हुन्छ। पक्राउ गरिएको सामान आवश्यक कारबाहीका लागि भन्सार कार्यालय ठाडीमा बुझाइएको प्रहरीले जनाएको छ।

 

यो खबर पढेर तपाईलाई कस्तो महसुस भयो ?