सर्लाहीमा हातहतियारसहित दुई युवक पक्राउ
22 घन्टा पहिले प्रकाशित

जनकपुरधाम, भदौ १३ गते । सर्लाही प्रहरीले अवैध हातहतियारसहित दुई जनालाई पक्राउ गरेको छ। नियन्त्रणमा परेका रामनगर गाउँपालिका–७ का २५ वर्षीय किशन महरा र बागमती नगरपालिका–४ का १८ वर्षीय श्याम महरा विशेष सूचनाको आधारमा प्रहरीले निगरानी गर्दै आएको व्यक्तिहरू भएको प्रहरीले जनाएको छ। भारतको सोनवर्षाबाट मोटरसाइकलमार्फत आएका किशनलाई सदरमुकाम मलंगवामा पक्राउ गरी सोधपुछ गर्दा उनले हतियार श्यामलाई राख्न दिएको स्वीकार गरेका थिए।
सोही बयानका आधारमा प्रहरीले श्यामलाई घरमै पक्राउ गरी अनुसन्धान गर्दा उनले हतियार बागमती–१२ स्थित नदी किनारमा लुकाएको बताएका थिए। त्यहाँबाट प्रहरीले कटुवा पेस्तोल एक थान बरामद गरेको हो। पक्राउ परेका दुवै जनाविरुद्ध जिल्ला अदालतबाट १० दिनको म्याद थप गरी विस्तृत अनुसन्धान भइरहेको जिल्ला प्रहरी कार्यालयले जनाएको छ।
कमेन्ट गर्नुहोस्
view comments