“अब युवालाई मौका देऊ, पुरानो सरकार परिवर्तनको समय आएको छ” – तेजस्वी यादवको आह्वान

एजेन्सी, चैत २७ गते । बिहारका पूर्व उपमुख्यमन्त्री तथा राष्ट्रिय जनता दल (राजद)का नेता तेजस्वी यादवले मंगलवार एक जनसभा मार्फत आफूलाई मुख्यमन्त्री बनाउन जनतालाई अपिल गरेका छन्। झारखंडको मुसहर–भुइँयाँ समुदायको सम्मेलनलाई सम्बोधन गर्दै उनले वर्तमान नीतीश कुमार नेतृत्वको सरकारलाई २० वर्ष पुरानो ‘खटारा गाडी’सँग तुलना गर्दै अब समय आएको बताउँदै युवालाई नेतृत्व सुम्पनुपर्ने बताएका छन्।

तेजस्वीले आफू मुख्यमन्त्री बनेपछि गरीब, दलित, उत्पीडित र झुपडीमा बस्ने समुदायका सबैलाई पक्की घर दिने र गरिबी अन्त्य गर्ने वाचा गरे। उनले भने, “एकपटक मलाई मुख्यमन्त्री बनाइदिनुहोस्, म तपाईंहरूको जीवनमा परिवर्तन ल्याइदिन्छु। तपाईंहरूको साथ र माया मेरो लागि आवश्यक छ।” साथै उनले राजद नेतृत्वमा बन्ने महागठबन्धन सरकारले मुसहर–भुइँयाँ समुदायको upliftment सुनिश्चित गर्ने आश्वासन पनि दिए।

उनले वर्तमान नीतीश सरकारलाई सामाजिक न्यायप्रति उदासीन र दलित समुदायप्रति बेवास्ता गर्ने सरकारको संज्ञा दिँदै आफूहरुको सरकार आएपछि समाजका सबै वर्ग, विशेषगरी वञ्चित र पछाडि परेका वर्गका लागि काम गरिने प्रतिवद्धता व्यक्त गरे। उनले भारतीय जनता पार्टी र आरएसएसलाई एससी/एसटी तथा दलितका हितमा कहिल्यै काम नगरेको आरोप पनि लगाए।