सर्लाहीमा प्रहरीमा जागिर लगाइदिने भन्दै लाखौँ ठगी, एक महिला पक्राउ

काठमाडौं, चैत ५ गते । सर्लाही प्रहरीले नेपाल प्रहरीमा जागिर लगाइदिने बहाना गरेर लाखौँ रुपैयाँ ठगी गरेको आरोपमा एक महिलालाई पक्राउ गरेको छ। लालबन्दी नगरपालिका–१७ की ३२ वर्षीया लक्ष्मी कुमारी महतोले हरिपूर्वा नगरपालिका–५ का शिवम कुमार यादवसँग पटक–पटक गरी कुल दुई लाख पचहत्तर हजार रुपैयाँ ठगेको उजुरी परेको थियो।

पीडित यादवका दाजु सिपिन्द्र प्रसाद यादवले ठगी तथा आपराधिक विश्वासघातको जाहेरी दिएपछि प्रहरीले महतोलाई २०८१ साल चैत्र ३ गते पक्राउ गरेको हो।

सर्लाही प्रहरी कार्यालयका अनुसार जिल्ला अदालतबाट पाँच दिनको म्याद थप गरी घटनाको विस्तृत अनुसन्धान जारी रहेको छ।