रिंकुकुमारी सदा मृत्यु प्रकरणमा थप चार जना पक्राउ

जनकपुरधाम, फागुन २३ गते । सिरहाको नवराजपुर गाउँपालिका–१ भगवतीपुरकी १७ वर्षीया रिंकुकुमारी सदाको मृत्यु प्रकरणमा प्रहरीले थप चार जनालाई पक्राउ गरेको छ। पक्राउ पर्नेमा वडा सदस्य नथुनी साहसहित अन्य तीन जना छन्, जो सबै जाहेरीमा किटान गरिएका व्यक्ति हुन्।

यसअघि, प्रहरीले घटनाका मुख्य अभियुक्त रुपेश मण्डल र पञ्चायतीमा भूमिका खेल्ने तीन जनालाई पक्राउ गरेको थियो। पीडित परिवारले कर्तव्य ज्यान, जबरजस्ती करणी, शरीर बन्धक र लेनदेन मिलापत्र गरी चार वटा शीर्षकमा आठ जनाविरुद्ध पूरक जाहेरी दर्ता गरेका थिए।

पक्राउ परेका व्यक्तिहरूलाई आज तीन बजे पत्रकार सम्मेलन गरी सार्वजनिक गर्ने योजना रहेको जिल्ला प्रहरी कार्यालयले जनाएको छ।