कन्नड अभिनेत्री रान्या राव सुन तस्करी आरोपमा पक्राउ

एजेन्सी,फागुन २१ गते । कन्नड फिल्मकी अभिनेत्री रान्या रावलाई सुन तस्करीको आरोपमा बेंगलुरूको केम्पेगौडा अन्तर्राष्ट्रिय विमानस्थलबाट पक्राउ गरिएको छ। भारतीय सञ्चारमाध्यम दैनिक जागरणका अनुसार, उनी १५ दिनमा चारपटक दुबई पुगेपछि प्रहरीको अनुसन्धानमा परेकी थिइन्।

सोमबार राति, रान्याको साथबाट १४.८० किलो सुन बरामद गरिएको थियो, जुन उनले आफ्नो कपडामा लुकाएकी थिइन्। पक्राउपछि उनलाई बेंगलुरूको डिआरआई मुख्यालयमा लगिएको छ, जहाँ अधिकारीहरूले अनुसन्धान जारी राखेका छन्। प्रहरीले उनी एक्लै थिइन् वा दुबई र भारतबीच चलिरहेको ठूलो तस्करी सञ्जालको हिस्सा हुन् भन्नेबारे अनुसन्धान गरिरहेको बताइएको छ।

रान्याले कन्नड सुपरस्टार सुदीपसँग सन् २०१४ मा रिलिज भएको 'माणिक्य' फिल्ममा अभिनय गरेकी थिइन्।