भारतमा महाकुम्भको भव्य सुरुवात, लाखौँ भक्तजनको संगम स्नान

नयाँ दिल्ली, पुस २९ गते । भारतमा विश्वकै ठूलो धार्मिक उत्सव महाकुम्भ मेलाको सुरुवात भएको छ। आज पौष पूर्णिमाको पहिलो दिन एक करोडभन्दा बढी भक्तजनले त्रिवेणी संगममा स्नान गर्ने अपेक्षा गरिएको छ। संगम नाकामा हरेक घण्टा दुई लाख मानिस स्नान गर्ने परम्परा छ। यससँगै भक्तजनले ४५ दिनसम्म चल्ने कल्पवास सुरु गरेका छन्।

महाकुम्भको लागि संगम नोजसहित १२ किलोमिटर क्षेत्रमा विशेष नुहाउने घाटहरू निर्माण गरिएका छन्। भीडलाई व्यवस्थापन गर्न सवारीसाधन प्रवेशमा रोक लगाइएको छ, जसका कारण भक्तजनले १०–१२ किलोमिटर पैदल यात्रा गरिरहेका छन्। ६० हजार सुरक्षाकर्मी, कमाण्डो, र अर्धसैनिक बल तैनाथ छन् भने प्रहरी कर्मचारीले स्पिकरमार्फत भीडलाई व्यवस्थित गरिरहेका छन्।

यो महाकुम्भ दुर्लभ खगोलीय संयोजनका कारण १४४ वर्षमा पहिलोपटक आयोजना भएको हो। यस अवसरमा चिसो मौसमका बाबजुद विदेशी भक्तजनहरूको पनि उल्लेखनीय सहभागिता देखिएको छ। एप्पलका सह-संस्थापक स्टिभ जब्सकी पत्नी लरेन पावेल जब्स पनि महाकुम्भमा सहभागी भएकी छन्।