भ्रष्टाचारविरोधी अभियन्ता भरत जंगम पक्राउ

काठमाडौँ, पुस ८। आफूलाई भ्रष्टाचारविरोधी अभियन्ता दाबी गर्ने भरत जंगम सहकारीको रकम अपचलनको आरोपमा पक्राउ परेका छन्। काठमाडौँका एसएसपी बसन्त रजौरका अनुसार, आइतबार उनलाई सहकारीको रकम दुरुपयोगसम्बन्धी अनुसन्धानका लागि नियन्त्रणमा लिइएको हो।

जंगम बानेश्वरस्थित साई स्वागत सहकारीका पूर्वअध्यक्ष हुन्। सोही सहकारीको आर्थिक अपचलनको विषयमा लामो समयदेखि छानबिन भइरहेको थियो। सहकारीको आर्थिक पारदर्शिताबारे उठेका प्रश्नहरूकै कारण उनीमाथि थप अनुसन्धान अघि बढाइएको प्रहरीले जनाएको छ।