मुम्बईबाट न्यूयोर्क गइरहेको विमानमा बमको चेतावनी, दिल्लीमा सुरक्षित अवतरण

जनकपुरधाम, असोज २८ गते । मुम्बईबाट न्यूयोर्कका लागि उडेको एयर इन्डियाको विमानमा बम रहेको चेतावनीपछि विमानलाई नयाँ दिल्लीमा डाइभर्ट गरियो। २३९ यात्रु सवार उक्त विमानलाई दिल्ली एयरपोर्टमा अवतरण गराई तलासी गर्दा बम नभेटिएको बताइएको छ।

भारतीय मिडियाहरुका अनुसार सबै यात्रु सकुशल छन् भने थप अनुसन्धान जारी छ। दिल्ली पुलिसले एक बयानमा विमानका यात्रु र चालक दलको सुरक्षाका लागि सबै मानक सुरक्षा प्रोटोकल पालना गरिएको जनाएको छ। यसअघि पनि अगस्टमा यस्तै बमको चेतावनीसहित मुम्बईबाट आएको विमानमा शंका गरिएको थियो, तर त्यसबेला पनि बम नभेटिएको थियो।