रामगोपालपुर नगरपालिका–२ का वडाध्यक्षको मोटरसाइकल दुर्घटनामा निधन

जनकपुरधाम, भदौ ९ गते । महोत्तरी जिल्लाको रामगोपालपुर नगरपालिका–२ का वडाध्यक्ष मुकेशकुमार यादवको सवारी दुर्घटनामा निधन भएको छ। जिल्ला प्रहरी कार्यालयका प्रवक्ता, प्रहरी नायब उपरीक्षक सन्तुलालप्रसाद जैसवारले जानकारी दिएअनुसार, वडाध्यक्ष यादवको मृत्यु आज बिहान रामगोपालपुर नगरपालिका–२ मा मोटरसाइकल दुर्घटनाका कारण भएको हो। जलेश्वर–बर्दिबास सडकखण्डमा पर्ने बर्दिबास नगरपालिका–८ स्थित कल्भर्ट नजिकै लु प्र ०१–००१प ६३६२ नम्बरको मोटरसाइकल दुर्घटनामा वडाध्यक्ष यादवको मृत्यु भएको थियो। प्रहरीका अनुसार, वडाध्यक्ष यादवको शव दुर्घटनास्थलमा कल्भर्टको नजिकै फेला परेको हो। वडाध्यक्ष यादव नेपाल कम्युनिस्ट पार्टी (माओवादी केन्द्र) का तर्फबाट निर्वाचित जनप्रतिनिधि थिए। उनका निधनले पार्टीका कार्यकर्ता, स्थानीयवासी तथा समर्थकहरूलाई गहिरो दुखः दिएको छ।