हरियाणामा पालतू कुकुरको आतंक: युवकको गुप्तांग चपायो, बालकको टाउको नोंच्यो, मालिकले मार्‍यो

एजेन्सी, श्रावण २२ गते । हरियाणाको करनाल जिल्ला अन्तर्गत नीलोखेड़ी कस्बामा एक पालतु कुकुरको आक्रमणले त्रास फैलिएको छ। १२ वर्षीय बालकसहित तीन जना कुकुरको आक्रमणमा परेका छन्। गम्भीर घाइते बालकलाई प्रारम्भिक उपचारपछि कल्पना चावला मेडिकल कलेजबाट पीजीआई रोहतक रिफर गरिएको छ। कुकुरको आक्रमणबाट बचाउने प्रयासमा दुई वयस्क पनि घाइते भएका छन्, जसमध्ये एक युवकको गुप्ताङ्गसमेत चपाइएको बताइएको छ।

प्रहरीका अनुसार अत्यन्त आक्रामक भएको कुकुरले एकपछि अर्को गरी चार जनालाई निसाना बनाएको थियो। आक्रोशित मालिकले आफैं कुकुरलाई मारेपछि प्रहरीले शव पोष्टमार्टमका लागि पठाएको छ, ताकि कुनै संक्रमण वा मानसिक अस्थिरता थियो कि भन्ने पत्ता लाग्न सकोस्। कुकुरका मालिकविरुद्ध लापरवाही र सार्वजनिक सुरक्षामा खतराको आरोपमा मुद्दा दर्ता गरिएको छ। बालकको आमा रूपाले आर्थिक अभावका कारण उपचारमा समस्या भएको भन्दै सरकारी सहयोगको माग गरेकी छन्। स्थानीय प्रशासन र सामाजिक संस्थाहरूले सहयोगका लागि पहल गरिरहेका छन्।