"हामीले हनुमानजीको आदर्शको पालना गरेका छौं... 'अप्रेसन सिन्दूर'बारे रक्षा मन्त्री राजनाथ सिंहको ठूलो बयान"

एजेन्सी, वैशाख २४ गते । भारतले पाकिस्तान र पाकिस्तान-अधिकृत कश्मीर (पीओके)मा एयरस्ट्राइक गर्दै पहलगाममा भएको आतंकी आक्रमणको बदला लिएको छ। यसबीच, भारतका रक्षा मन्त्री राजनाथ सिंहले एक ठूलो बयान दिएका छन्। उनले भनेका छन्, “हामीले हनुमानजीको त्यो आदर्शको पालना गरेका छौं, जुन उनले अशोक वाटिका उजाड्दा देखाएका थिए – ‘जिन्ह मोहि मारा तिन मोहि मारे’। हामीले केवल उनीहरूलाई निशाना बनाएका छौं, जसले हाम्रा निर्दोष नागरिकहरूलाई मारेका थिए।”

रक्षा मन्त्रीले भने, "हाम्रा सेनाहरूले ‘अप्रेसन सिन्दूर’मार्फत आतङ्ककारीहरूलाई तालिम दिने क्याम्पहरू ध्वस्त पार्दै एकदमै कडा जवाफ दिएका छन्।"

राजनाथ सिंहले यो बयान सीमा सडक संगठन (BRO) को स्थापना दिवस समारोहमा सम्बोधन गर्दै दिएका हुन्। उनले भने, “प्रधानमन्त्री नरेन्द्र मोदीको नेतृत्वमा भारतीय सेनाले सम्पूर्ण देशवासीहरूको शिर गर्वले उचो बनाएको छ। गत रात भारतीय सेनाले आफ्नो शौर्य र पराक्रम देखाउँदै नयाँ इतिहास रचेको छ।”

रक्षा मन्त्रीले थप भने, “हामीले जे लक्ष्य निर्धारण गरेका थियौं, ती सबैलाई सटीकता साथ ध्वस्त गरेका छौं। सेनाले आम नागरिकको क्षति नहोस् भनेर अत्यन्तै संवेदनशीलता देखाएको छ। म देशका सबै सेनाका जवान र अफिसरहरूलाई धन्यवाद दिन चाहन्छु। साथै, सेनालाई सबै प्रकारको सहयोग पुर्‍याएकोमा प्रधानमन्त्री मोदीलाई पनि धन्यवाद दिन चाहन्छु।”