योगी सरकारको ८ वर्ष पूरा, यूपी विकासको इन्जिन बन्दै

एजेन्सी, चैत ११ गते । उत्तर प्रदेशका मुख्यमन्त्री योगी आदित्यनाथले आफ्नो सरकारका ८ वर्ष पूरा भएको अवसरमा यूपीलाई अब देशको अर्थतन्त्रको इन्जिनको रूपमा स्थापित गरिएको बताएका छन्। लखनउमा आयोजित कार्यक्रममा उनले ८ वर्षअघि उत्तर प्रदेशलाई ‘बीमारू राज्य’ र विकासमा अवरोध मानिन्थ्यो, तर अब यही राज्य आर्थिक शक्तिको रूपमा उदाएको बताए। उनले थपे, पहिले यूपीलाई केवल श्रम शक्तिको रूपमा हेरिन्थ्यो, तर अब यो लगानी र विकासको केन्द्र बन्न पुगेको छ।

मुख्यमन्त्री योगीले कानुन व्यवस्था, रोजगारी, लगानी तथा पूर्वाधार विकासमा उल्लेखनीय प्रगति भएको दाबी गरे। उनले प्रदेशमा बढ्दो लगानीका कारण रोजगारीको अवसरहरू सिर्जना भएको बताउँदै युवाहरूलाई ठूलो संख्यामा रोजगारी प्रदान गरिएको जानकारी दिए। साथै, कानुनी सुधार तथा समग्र विकासलाई आफ्नो सरकारको प्रमुख प्राथमिकता रहेको स्पष्ट पारे।