सुनिता विलियम्स र बुच विलियम्स पृथ्वीमा सफल अवतरण

एजेन्सी, चैत ६ गते । अन्तरिक्ष यात्री सुनिता विलियम्स र बुच विलियम्स अन्ततः सफलतापूर्वक पृथ्वीमा फर्किएका छन्। स्पेसएक्सको अन्तरिक्ष यानमार्फत उनीहरूलाई सुरक्षित रूपमा अवतरण गराइएको बीबीसीले जनाएको छ। नौ महिनासम्म अन्तर्राष्ट्रिय अन्तरिक्ष स्टेशन (आईएसएस) मा बसेका यी अन्तरिक्ष यात्रीहरू बोइङ स्टारलाइनर अन्तरिक्ष यानमार्फत २०२४ को जुन ५ मा उडान भरेका थिए।

उनीहरू १७ घण्टाको लामो यात्रा पूरा गरी फ्लोरिडाको तटीय क्षेत्र नजिकै अवतरण गरे। पृथ्वीको वायुमण्डलमा प्रवेश गर्दा यानको वेग अत्यधिक उच्च भए पनि प्यारासुटको सहयोगमा सुरक्षित रूपमा अवतरण गराइयो। यसअघि, प्राविधिक समस्याका कारण आठ दिनको लागि निर्धारित यो मिशन लम्बिएर नौ महिनासम्म रहन पुगेको थियो।

यसैबीच, गत आइतबार संयुक्त राज्य अमेरिका, जापान, र रुसका चार नयाँ अन्तरिक्ष यात्रीहरू अन्तर्राष्ट्रिय अन्तरिक्ष स्टेशनमा पुगेका छन्। उनीहरूले अन्तरिक्ष अनुसन्धानमा विभिन्न महत्वपूर्ण जिम्मेवारी बहन गर्नेछन्। विलियम्स दम्पतीको सफल अवतरणसँगै बोइङ स्टारलाइनर यानको प्रभावकारिता परीक्षण पनि सम्पन्न भएको मानिएको छ।