आज कक्षा १२ को नतिजा प्रकाशित गर्ने तयारी

भदौ १७ गते ।राष्ट्रिय परीक्षा बोर्डले आज कक्षा १२ को नतिजा प्रकाशित गर्ने तयारी गरेको छ ।

कक्षा १२ को परीक्षाफल प्रकाशन गर्नका लागि आज बोर्ड बैठक बोलाएको छ।

परीक्षा नियन्त्रक कृष्णप्रसाद शर्माले बोर्ड बैठक आज अपरान्ह साढे ४ बजे बस्ने बताए।बोर्ड बैठकले कक्षा १२ को नजिता प्रकाशन गर्ने निर्णय गर्‍यो भने नतिजा प्रकाशन गर्ने उनले भने ।

कक्षा १२ को नजिता प्रकाशनका लागि रूजुलगायत काम भइरहेका थिए।

बोर्डले गत जेठ १६ देखि २५ गतेसम्म कक्षा १२ को परीक्षा सञ्चालन गरेको थियो।

यसपालि चार लाख १० हजार विद्यार्थीले परीक्षा दिएका थिए।

यस अघि बोर्डले परीक्षाको नतिजा सार्वजनिक गर्ने तयारी गरेपनि तयारी पूरा नभएको भन्दै नतिजा सार्वजनिक गरेनन् ।