एनपीएलमा आज जनकपुर र काठमाडौंको भिडन्त, साँझ कर्णालीसँग विराटनगरको परीक्षा

जनकपुरधाम, कार्तिक १२ गते ।  गते ।  नेपाल प्रिमियर लिग (एनपीएल) अन्तर्गत आज दुई खेल हुँदैछन्। कीर्तिपुरस्थित त्रिवि क्रिकेट मैदानमा दिउँसो साढे १२ बजे जनकपुर बोल्ट्स र काठमाडौं गोर्खाज आमनेसामने हुनेछन्। प्रतियोगितामा काठमाडौंको यो पहिलो खेल हो भने जनकपुर पहिलो जितको खोजीमा मैदान उत्रनेछ। यसअघि जनकपुर कर्णाली याक्ससँग पराजित भएको थियो।

आजको दोस्रो खेलमा साँझ ५ बजे कर्णाली याक्स र विराटनगर किंग्सबीच प्रतिस्पर्धा हुनेछ। यसअघि जनकपुरलाई हराएको कर्णाली लगातार अर्को जित निकाल्ने लक्ष्यमा हुनेछ। उता, पहिलो खेलमा चितवन राइनोजसँग पराजित विराटनगर पनि जितको लयमा फर्कने प्रयास गर्नेछ।