रणवीर सिंह अभिनीत ‘धुरन्धर’को एक्सन–पैक्ड ट्रेलर सार्वजनिक

एजेन्सी, मंसिर ३ गते ।भारतीय अभिनेता रणवीर सिंहको नयाँ एक्सन–थ्रिलर फिल्म ‘धुरन्धर’को ट्रेलर सार्वजनिक गरिएको छ। आदित्य धरले निर्देशन तथा निर्माण गरेको यस फिल्ममा रणवीर एक भारतीय जासूसको भूमिकामा देखिएका छन्। चार मिनेटभन्दा लामो ट्रेलरमा तीव्र एक्सन, गोली हानाहान र रक्तपातपूर्ण दृश्यहरूले फिल्मको रोमान्चक धार झल्काउँछन्।

फिल्ममा रणवीरसँगै संजय दत्त, अक्षय खन्ना, अर्जुन रामपाल, आर माधवन र सारा अर्जुनलगायत कलाकारहरूको अभिनय रहेको छ। ‘एंग्री योङ म्यान’ लुकमै देखिएका रणवीरले ट्रेलर लन्च कार्यक्रममा मुम्बईमा सहभागिता जनाएका थिए। ‘धुरन्धर’ आउँदो डिसेम्बर ५ मा रिलिज हुने तय गरिएको छ।