करिश्मा कपूरका बच्चाहरूले पाएनन् १९०० करोड, संजय कपूरको सम्पत्ति प्रिया सचदेवको नियन्त्रणमा

एजेन्सी, असोज १ गते । संजय कपूरको निधनपछि उनकी ३० हजार करोड रुपैयाँको सम्पत्ति र वसीयतमा विवाद जारी छ। दिल्ली हाइकोर्टमा सुनुवाइका क्रममा प्रिया सचदेवका वकिलले करिश्मा कपूरका छोराछोरी समायरा र कियानलाई आर.के. फ्यामिली ट्रस्टमार्फत १९०० करोड रुपैयाँ पुगिसकेको दाबी गरेका थिए। तर रिपोर्ट अनुसार यो दाबी सत्य होइन। बच्चाहरूले अहिलेसम्म उक्त रकम वा शेयरमा पहुँच पाएका छैनन् र सम्पूर्ण सम्पत्ति प्रिया सचदेवको नियन्त्रणमा रहेको छ।

करिश्मा कपूरका वकिल महेश जेठमलानीले सबै वारिसले आफ्नो योग्य हिस्सा पाउनुपर्ने बताएका छन्। उनका अनुसार प्रिया सचदेवको नियन्त्रणमा २८ हजार करोडभन्दा बढी रकम रहेको छ भने बच्चाहरूले अहिलेसम्म कुनै वास्तविक लाभ पाएका छैनन्। अदालतले प्रिया सचदेवलाई संजय कपूरको सम्पत्तिको पूरा विवरण पेश गर्न आदेश दिइसकेको छ, जसबाट बच्चाहरूको भविष्य सुरक्षित राख्ने र उनीहरूलाई सम्पत्तिमा पहुँच सुनिश्चित गर्ने लक्ष्य राखिएको छ।