'बिग बॉस 19' मा मल्लिका शेरावतको सम्भावना टुंगियो, सलमानको शो ओटीटीमा ९० मिनेट पहिले हेर्न सकिने

एजेन्सी, श्रावण १३ गते । टेलिभिजनको सबैभन्दा ठूलो र विवादास्पद रियालिटी शो 'बिग बॉस' को नयाँ सिजन 'बिग बॉस 19' को प्रतीक्षा चुलिएको छ। हालै मेकर्सले शोको लोगो प्रोमो रिलिज गरेपछि कन्टेस्टेन्ट्स र यसको थिमबारे नयाँ चर्चा सुरु भएको छ। सलमान खानको शोमा यसपटक धीरज धूपर, अनीता हसनन्दानीजस्ता सिताराहरूको सहभागिता हुने चर्चा छ, भने केही समयअघि बलिउड अभिनेत्री मल्लिका शेरावत पनि शोमा सहभागी हुने खबर आएको थियो। तर, अब अभिनेत्रीले आफ्नो मौन तोड्दै यी अफवाहहरूको खण्डन गरेकी छन्। मल्लिका शेरावतले आफ्नो इन्स्टाग्राम स्टोरीमा पोस्ट गर्दै लेखेकी छन्, “म सबै अफवाहहरूलाई अन्त्य गर्दै यो स्पष्ट गर्छु कि म 'बिग बॉस' मा सहभागी छैन र कहिल्यै पनि नहुने छु।”

'बिग बॉस 18' मा मल्लिकाले मेहमानको रूपमा सहभागिता जनाएकी थिइन्, जुन कारणले उनको नाम फेरि चर्चामा आएको हुन सक्छ। उनी पछिल्लो पटक ठूलो पर्दामा 'विक्की विद्या का वो वाला भिडियो' मा देखिएकी थिइन्। अहिले शोको कन्टेस्टेन्टको रूपमा धीरज धूपर, अलीशा पंवार, मुनमुन दत्ता, अनीता हसनन्दानी, लता सबरवाल, आशीष विद्यार्थी र खुशी दुबे जस्ता नामहरू चर्चामा छन्। शोको थिमबारे आएको खबरअनुसार, यसपटक 'बिग बॉस 19' ले 'राजनीति' थिम अपनाउनेछ, जहाँ वास्तविक जीवनको राजनीतिबाट प्रेरित कार्यहरू गराइने र हाइ वोल्टेज ड्रामाको आशा गरिएको छ। पावर गेम्सको अवधारणा पनि समावेश हुनेछ, जहाँ घरको कमान कुनै कप्तानको सट्टा घरवालाहरूको हातमा रहनेछ, र हरेक एलिमिनेसनपछि नयाँ ट्विस्ट आउने सम्भावना छ।

'बिग बॉस 19' लाई मेकर्सले पहिलोपटक डिजिटल-फर्स्ट प्रोपर्टीको रूपमा प्रस्तुत गर्ने चर्चा छ, जसअनुसार हरेक दिनको नयाँ एपिसोड कलर्स टिभीमा प्रसारण हुनुभन्दा ९० मिनट पहिले ओटीटी प्लेटफर्म JioHotstar मा रिलिज हुनेछ। शो यसपटक ५ महिनासम्म चल्ने रेकर्ड लामो सिजन बन्न सक्छ, जहाँ सलमान खानले पहिलो तीन महिना होस्ट गर्नेछन्। फिल्मको सुटिङका कारण उनी वीकेंड का वारमा पछि नदेखिन सक्ने र फराह खान, अनिल कपूर वा करण जोहरले बाँकी दुई महिना होस्टको जिम्मेवारी लिन सक्ने अनुमान छ। ग्रान्ड फिनालेमा भने सलमानले विजेताको नाम घोषणा गर्नेछन्।