‘सैयारा’ ले प्रेमकथाहरूको युग फर्कायो? लाइनमा ७ रोमान्टिक फिल्म, एक्सपर्ट्स के भन्छन्?

एजेन्सी, श्रावण ७ गते ।  ४५ करोडमा बनेको र नयाँ अनुहारहरू समेटिएको फिल्म ‘सैयारा’ ले ५ दिनमै १३२.२५ करोड रुपैयाँ कमाउँदै सबैलाई चकित पारेको छ। एक्शन र रियलिस्टिक सिनेमाको हाबीबीच यस रोमांटिक फिल्मको सुपरहिट सफलताले बलिउडमा फेरि प्रेमकथाहरूको युग फर्कने संकेत दिएको छ। सैयाराको सफलता पछाडि अब ‘धडक २’, ‘परमसुन्दरी’, ‘सनी संस्कारीकी तुलसी कुमारी’, ‘लव एन्ड वार’ लगायत सातभन्दा बढी लव स्टोरी फिल्महरू रिलिजको तयारीमा छन्। एक्सपर्ट्सका अनुसार दर्शक फेरि रोमान्सप्रति आकर्षित भएका छन्।

‘सनम तेरी कसम’ र ‘ये जवानी है दीवानी’ को रि-रिलिजमा भएको उल्लेखनीय कमाईले पनि लव स्टोरीहरू अझै चल्ने संकेत दिएको छ। समीक्षकहरू भन्छन्, जब एक सशक्त प्रेमकथा आउँछ, त्यो केवल संगीत र भावनाले भरिएको हुँदैन, नयाँ अनुहारहरूको प्रवेशद्वारसमेत बन्द खुलाउने माध्यम बन्छ। तरण आदर्श र कोमल नाहटाजस्ता फिल्म विश्लेषकहरू भन्छन्—रोमान्स सिनेमाको मेरुदण्ड हो। ‘बॉबी’, ‘कहो ना प्यार है’ देखि ‘जाने तू या जाने ना’सम्म, यस्ता कथाहरूले नयाँ पुस्ता र भावनालाई समेट्न सधैं सफल भएका छन्।

निर्देशक अब्बास टायरवालाका अनुसार लव स्टोरीजको संघर्ष व्यक्तिगत र गहिरो हुन्छ—जहाँ नायक समाज वा परिवारसँग होइन, आफ्नै प्रेमका लागि लड्छ। यही निजी संघर्षले दर्शकको मन छुन्छ। ‘सैयारा’को सफलताले अब निर्माताहरू फेरि नयाँ अनुहारहरूमा लगानी गर्न सक्ने सम्भावना बढेको छ। प्रश्न अब यति मात्रै हो—के यी कथाहरूले पुनः बलिउडमा उही पुरानो रोमान्टिक जादू फर्काउने छन्?