प्रियंका चोपडा जन्मदिनअघि निक जोनस र छोरी मालतीसँग समुद्र तटमा, रोमान्टिक भिडियो भाइरल

एजेन्सी, श्रावण १ गते ।  प्रियंका चोपडा आफ्नो ४३औँ जन्मदिन (१८ जुलाई २०२५) अघि पति निक जोनस र छोरी मालतीसँग समुद्र तटमा छुट्टी मनाउन पुगेकी छन्। यो जोडीले सामाजिक सञ्जालमा एक रोमान्टिक भिडियो सेयर गरेका छन्, जसमा प्रियंका निकको काखमा चढेर रमाइलो गरिरहेकी देखिन्छिन्। भिडियोको पृष्ठभूमिमा जोनस ब्रदर्सको नयाँ गीत ‘आई क्यान्ट लुज’ बजिरहेको छ। निकले यो भिडियो सेयर गर्दै लेखे, “आई क्यान्ट लुज #summer” भनेर क्याप्सन दिएका छन् भने प्रियंकाले पनि यही क्याप्सनसहित भिडियो पोस्ट गरेकी छन्। यो भिडियोमा निक समुद्र किनारमा क्यामेरा सेट गर्दै ‘उनको साथबिना’ भन्ने सन्देश देखाउँछन्, र त्यसपछि प्रियंका उनको अङ्गालोमा आएर रोमान्स गर्छिन्।

यो रोमान्टिक भिडियोले सामाजिक सञ्जालमा तहल्का मच्चाएको छ। प्रशंसकहरूले यो जोडीलाई ‘उत्कृष्ट जोडी’ भन्दै तारिफ गरेका छन्। कतिपयले ‘देसी गर्ल इफेक्ट’ लेख्दै कमेन्ट गरेका छन्। एक प्रयोगकर्ताले मजाकमा लेखे, “विदेशीसँग बिहे गरेर यस्तो सम्भव भयो, भारतमा भए यो फरक कुरा हुन्थ्यो।” अर्काले निकलाई जिस्क्याउँदै लेखे, “निक, तिमी प्रियंकाका लागि धेरै सानो छौ!” यो भिडियोले प्रियंका र निकको प्रेमलाई थप चर्चामा ल्याएको छ।

प्रियंका हाल आफ्नो हलिउड फिल्म ‘हेड्स अफ स्टेट’ मा जोन सिना र इद्रिस एल्बासँगको एक्सन दृश्यका कारण चर्चामा छिन्। उनी एसएस राजामौलीको निर्देशनमा बन्ने भारतीय फिल्ममा महेश बाबूसँग पनि काम गर्दैछिन्। प्रियंका र निकको प्रेमकथा सन् २०१६ मा ट्विटरबाट सुरु भएको थियो, जब निकले प्रियंकालाई सन्देश पठाएर भेट्ने प्रस्ताव राखेका थिए। सन् २०१७ को मेट गालामा राल्फ लरेनको निम्तोमा सँगै देखिएका यी दुईले तेस्रो डेटमै प्रियंकालाई निकले ग्रीसमा प्रपोज गरेका थिए। यो जोडीको प्रेम र समर्पण आज पनि प्रशंसकका लागि प्रेरणा बनेको छ।