प्रियंका चोपडाकी छोरी मालतीले न्यूयोर्कमा स्कूल जान थालिन्, बिजी र रंगीन जीवनशैलीबारे खुलासा

एजेन्सी, असार ८ गते । बलीवुडदेखि हलिउडसम्म आफ्नो पहिचान बनाएकी अभिनेत्री प्रियंका चोपडाले हालै आफ्नी सानी छोरी मालती मैरीको बारेमा खुलेर कुरा गरेकी छन्। उनी भर्खरै ‘द टुनाइट शो स्टारिङ जिमी फालोन’ मा पुगेकी थिइन्, जहाँ उनले छोरीको जीवनशैलीबारे चर्चा गरिन्। प्रियंकाले खुलासा गरिन् कि तीन वर्षीया मालतीले न्यूयोर्कको एक स्कूलमा पढ्न थालिसकेकी छिन् र उसको दैनिक तालिका निकै व्यस्त छ। मालती पढाइसँगै सामाजिक रूपमा पनि सक्रिय हुँदै गएकी छिन्। उनी आफ्ना साथीहरूसँग खेल्ने योजना बनाउँछिन् र आमा प्रियंकालाई अन्य अभिभावकसँग सम्पर्क गर्नसमेत भन्छिन्।

शोमा जिमी फालोनले मालतीको बारेमा कुरा उठाउँदा प्रियंकाले उनलाई "जिंदादिल र अत्यन्तै हास्यबोध भएको बच्चा" भनेकी थिइन्। उनले थपिन् कि मालती अहिले उनको जीवनको मुटुजस्तै बनेकी छिन्। प्रियंकाले यो टुर आफ्नो परिवारका लागि विशेष भएको बताइन्, किनभने उनका पति निक जोनस अहिले ब्रडवेमा प्रस्तुति दिइरहेका छन्। उनले यो पनि बताइन् कि मालतीलाई हरेक बिहान APT- रोज र ब्रून मार्सको गीत सुन्न मन पर्छ। उसले अझै निक जोनस वा जोनस ब्रदर्सको नाम नचिने पनि उसले उनीहरूलाई “डोनट ब्रदर्स” भनेर बोलाउँछिन्।