अनिल कपूर र श्रीदेवीको 'लम्हे' ३४ वर्षपछि पुन: प्रदर्शनमा

एजेन्सी, चैत ७ गते । बलिउड अभिनेता अनिल कपूर र अभिनेत्री श्रीदेवीको सन् १९९१ मा रिलिज भएको फिल्म 'लम्हे' पुन: प्रदर्शनमा आउने भएको छ। अनिल कपूरले इन्स्टाग्राममा पोस्ट सेयर गर्दै २१ मार्चदेखि यो फिल्म ठूलो पर्दामा हेर्न सकिने जानकारी दिएका छन्।

यश चोपडाको निर्देशनमा बनेको 'लम्हे' आफ्नो समयको चर्चित रोमांटिक ड्रामा फिल्म हो, जसमा अनिल कपूरले वीरेनको भूमिका निभाएका थिए भने श्रीदेवीले पल्लवी र उनकी छोरी पूनमको दोहोरो भूमिका निर्वाह गरेकी थिइन्। फिल्मका गीतहरू 'मोरनी बागा मा बोले', 'कभी मैं कहूं' र 'मेरी बिंदिया तेरी निंदिया' आज पनि लोकप्रिय छन्। ​