'पुष्पा ३' सन् २०२८ मा आउने, निर्माता रविशंकरको घोषणा

एजेन्सी, चैत ४ गते । दक्षिण भारतीय सुपरस्टार अल्लू अर्जुन अभिनीत 'पुष्पा २: द रूल' ले बक्स अफिसमा ऐतिहासिक सफलता हासिल गरेको छ। फिल्मले विश्वभर १६५० करोड भारतीय रुपैयाँभन्दा बढी कमाइ गर्दै 'दंगल' र 'बाहुबली २' पछि तेस्रो सबैभन्दा ठूलो भारतीय फिल्मको कीर्तिमान बनाएको थियो।

अब दर्शकहरू 'पुष्पा ३' को प्रतिक्षामा छन्। फिल्मका निर्माता रविशंकरका अनुसार 'पुष्पा ३' सन् २०२८ मा रिलिज हुने पक्का भएको छ। निर्देशक सुकुमारले राम चरणसँगको फिल्म पूरा गरेपछि 'पुष्पा ३' को छायांकन सुरु गर्नेछन्। त्यस्तै, अल्लू अर्जुनले पनि एटली, त्रिविक्रम लगायत निर्देशकहरूसँगका आफ्ना अन्य फिल्महरू पूरा गर्नेछन्।

'पुष्पा' फ्रेन्चाइजमा अल्लू अर्जुनसँगै रश्मिका मन्दना, फहद फासिल, जगपति बाबु, सुनिल लगायतका कलाकार छन्। फिल्मलाई मिथ्री मुभी मेकर्स ले निर्माण गर्दै आएको छ। 'पुष्पा ३' मा पनि दर्शकलाई नयाँ स्तरको एक्सन, ड्रामा र मनोरञ्जन प्रदान गरिने अपेक्षा गरिएको छ।