फ्यानको ७२ करोड सम्पत्ति अस्वीकार गरेका सञ्जय दत्त

मुम्बई,फागुन १ गते ।  बलिउड अभिनेता सञ्जय दत्तलाई दर्शकहरूले निकै रुचाउँछन्। कतिपय फ्यानहरू आफ्नो मनपर्ने कलाकारका लागि जे गर्न पनि तयार हुन्छन्। यस्तै एक घटनामा, एक फ्यानले सञ्जय दत्तको नाममा आफ्नो ७२ करोड भारू सम्पत्ति छाडेकी थिइन्।

सन् २०१८ मा निशा पाटिल नामकी महिलाले निधन हुनुअघि आफ्नो सम्पूर्ण सम्पत्ति सञ्जय दत्तको नाममा हस्तान्तरण गर्ने निर्णय गरेकी थिइन्। बैंकलाई पत्र लेखेर उनले सम्पत्ति हस्तान्तरण प्रक्रिया सुरू गर्न निर्देशनसमेत दिएकी थिइन्।

प्रहरीबाट जानकारी पाएपछि सञ्जय दत्त अचम्मित भएका थिए। तर, उनले उक्त सम्पत्ति स्वीकार गर्न अस्वीकार गरे।

सञ्जय दत्तले बलिउड मात्र नभई दक्षिण भारतीय फिल्म उद्योगमा पनि लोकप्रियता कमाएका छन्। उनी चाँडै नै 'वेलकम ३' मा देखिनेछन्।