'सनम तेरी कसम' रि-रिलिजमा हिट, दुई दिनमै पुरानो कमाइको रेकर्ड तोड्यो
2 महीना पहिले प्रकाशित

मुम्बई, माघ २८ गते । हाल बलिउडमा पुराना फिल्महरू रि-रिलिज हुने क्रम बढिरहेको छ, जसले भारतीय बक्स अफिसमा राम्रो प्रभाव पार्न थालेको छ। यसै क्रममा, २०१६ मा प्रदर्शन भएको 'सनम तेरी कसम' पुनः हलमा आएको छ, र यसले पुन: प्रदर्शनमा उल्लेखनीय कमाइ गरिरहेको छ।
समीक्षकबाट मिश्रित प्रतिक्रिया पाएर प्रारम्भिक प्रदर्शनमा असफल ठहरिएको यो फिल्म २५ करोड भारूमा निर्माण भएको थियो तर बक्स अफिसमा मात्र ९ करोड १० लाख भारू कमाउन सफल भएको थियो। तर, टेलिभिजन र युट्युबमा रिलिज भएपछि दर्शकमाझ लोकप्रिय बनेपछि यसलाई गत शुक्रबार पुनः हलमा प्रदर्शन गरिएको हो।
भारतीय सञ्चारमाध्यम अमर उजाला का अनुसार, रि-रिलिज भएको दुई दिनमै फिल्मले ९ करोड ५० लाख भारू कमाउँदै आफ्नो पुरानो रेकर्ड तोडेको छ। यस फिल्ममा हर्षवर्धन राणे र पाकिस्तानी अभिनेत्री मावरा होकेन मुख्य भूमिकामा छन्, भने निर्देशन राधिका राव र विनय सप्रूले गरेका छन्। लोकप्रियता पुनः प्राप्त गरेपछि, निर्माण पक्षले यसको दोस्रो शृंखला आउने घोषणा समेत गरिसकेको छ।
कमेन्ट गर्नुहोस्
view comments