"एकता कपूरले 'नागिन ७' को घोषणा, नयाँ नागिन को हुन सक्छ?"
2 महीना पहिले प्रकाशित

मुम्बई, माघ २३ गते । भारतीय टेलिभिजनकी चर्चित निर्माता एकता कपूरले आफ्नो लोकप्रिय शृंखला ‘नागिन’ को सातौं सिजनको घोषणा गरेकी छन्। हालसम्म ६ सिजन प्रसारण भइसकेको यो शृंखला हिट रहँदै आएको छ। एकताले इन्स्टाग्राममा एक भिडियो पोस्ट गर्दै ‘नागिन ७’ को औपचारिक रूपमा जानकारी दिएकी हुन्। क्याप्सनमा उनले छोटकरीमा लेखेकी छन्— "नागिन ७!"
भिडियोमा एकताले कास्टिङबारे संकेत दिँदै भनेकी छन्, "जो कोही जान्न चाहन्छ कि नागिन को हुन्, यो केटीले बताउनेछिन्।" भिडियोमा ३–४ जना युवती देखिन्छन्, जससँग एकता मिटिङ गरिरहेकी छिन्। यसले नयाँ सिजनमा को मुख्य भूमिकामा देखिनेछ भन्ने उत्सुकता झन् बढाएको छ।
यसअघि ‘नागिन’ फ्रेन्चाइजमा मोनी राय, करिश्मा तन्ना, सुरभि ज्योति, हिना खान, तेजस्वी प्रकाश, निया शर्मा, अदा खान, अनीता हसनन्दानी र सुरभि चन्दनालगायत चर्चित अभिनेत्रीहरूले अभिनय गरिसकेका छन्। ‘नागिन ७’ मा को आउनेछ भन्ने चर्चा सुरु भइसकेको छ।
कमेन्ट गर्नुहोस्
view comments