बोमन इरानीको निर्देशनमा 'द मेहता ब्वाइज', ट्रेलर सार्वजनिक

जनकपुरधाम, माघ १८ गते । प्रख्यात अभिनेता बोमन इरानी अब निर्देशनमा पनि हात हाल्दै छन्। उनले आफ्नो पहिलो निर्देशित फिल्म 'द मेहता ब्वाइज' मार्फत डेब्यू गरेका हुन्।

प्राइम भिडियो इन्डिया को युट्युब च्यानलमार्फत फिल्मको ट्रेलर सार्वजनिक गरिएको छ। सार्वजनिक टिजरमा बाबु-छोरा बीचको सम्बन्ध मुख्य विषयवस्तु रहेको देखिन्छ।

यस फिल्ममा बोमन इरानी, अविनाश तिवारी, श्रेया चौधरी, पूजा सरूप लगायतका कलाकारको अभिनय रहेको छ। साथै, इरानी स्वयं यस फिल्मका लेखक, निर्देशक तथा निर्माता हुन्।

'द मेहता ब्वाइज' आगामी फेब्रुअरी ७ देखि प्राइम भिडियो मा स्ट्रीमिङ हुनेछ।