'डन ३' मा रणवीर सिंह प्रमुख भूमिकामा, भिलेनको रूपमा विक्रान्त मासे

एजेन्सी मुम्बई, माघ १६ गते । फरहान अख्तरको प्रोडक्शन हाउसमा निर्माण भइरहेको फिल्म 'डन ३' सम्बन्धी नयाँ अपडेटहरू सार्वजनिक भइरहेका छन्। यस फिल्ममा रणवीर सिंह डनको भूमिकामा देखिने भएका छन् भने मुख्य अभिनेत्रीको रूपमा कियारा आडवाणी रहनेछिन्।

भारतीय सञ्चारमाध्यम दैनिक जागरणका अनुसार विक्रान्त मासे भिलेनको भूमिकामा प्रस्तुत हुँदैछन्। फिल्मलाई फरहान अख्तर स्वयं निर्देशन गर्दैछन्।

यसअघि 'डन' (2006) र 'डन २' (2011) मा शाहरूख खानले अभिनय गरेका थिए, जसका केही संवाद अत्यधिक चर्चित बनेका थिए। 'डन ३' मा नयाँ स्टारकास्टसहित दर्शकलाई नयाँ कथा र शैलीको अनुभव गराइने अपेक्षा गरिएको छ।